Azərbaycanın lizinq sektorunun aparıcı şirkətlərindən biri olan MCB BOKT CE-PARTS şirkəti ilə elektrik yükləyicilərinin maliyyələşdirilməsi üzrə
birgə layihəyə start verir.
MCB BOKT Kredit Departamentinin rəhbəri Sabir Aslanovun sözlərinə görə, yerli bazarda yükləmə-boşaltma texnikasına olan böyük tələbatı nəzərə alaraq, elektrik yükləyicilərinin lizinq vasitəsilə əldə edilməsi üzrə xüsusi şərtlərin işlənib hazırlanması haqqında qərar qəbul edilmişdir. “CE-PARTS şirkəti ilə birgə layihə nəticəsində yerli sahibkarlar müasir yükləmə-boşaltma texnikasını sərfəli qiymətlərlə əldə etmək imkanını aldılar”, – deyə S.Aslanov qeyd etdi.
Layihənin şərtlərinə görə, Linde markalı müasir elektrik yükləyicilərini 8 ay müddətinə qədər 30% ilkin ödənişlə FAİZSİZ lizinq vasitəsilə əldə etmək olar.
Layihə haqqında ətraflı məlumatla MCB BOKT şirkətinin rəsmi veb-saytında (www.mcb.az) tanış olmaq olar.
