MCB BOKT QSC-yə kreditlərin verilməsi üçün lisenziya verildi.

Azərbaycan Respublikasının Mərkəzi Bankı “MCB BOKT” QSC bank olmayan kredit təşkilatına kreditlərin verilməsi üçün BKT-42 saylı lisenziya verib.

Daim müştərilərinin davamlı inkişafı üçün daha əlçatan lizinq məhsulları təqdim edən “MCB BOKT” QSC bu günə qədər yerli sahibkarlara dəyəri 85 mln. manatdan çox olan biznes təyinatlı lizinq obyektlərini – istehsal, emal, kənd təsərrüfatı, səhiyyə, nəqliyyat, ticarət, yeyinti sənayesi və s. avadanlıqları lizinqə verib.

Kreditlərin verilməsi üçün lisenziyanın əldə edilməsi ilə “MCB BOKT” QSC yerli sahibkarlara mövcud lizinq məhsuluna əlavə olaraq müxtəlif növ kredit məhsulları da verməklə sahibkarların daha sağlam və rəqabətədavamlı biznesə malik olmasına dəstək olacaqdır.